रामशरण पोख्रेल
फाल्गुन २९
पर्वत राष्ट्रिय लोक तथा दोहोरी गित प्रतिष्ठान नेपाल पर्वतले आफ्नो स्थापना एबम लोकदोहोरी दिवसको अवसर पारेर कुश्मा नगरपालिका-४, मा अवस्थित गुप्तेश्वर वेदवेदाङ्ग संस्कृत पाठशालाका बटुकहरुलाइ खाद्यान्न बितरण गरेको छ ।
प्रतिष्ठानले ३ हजार बराबरको खाद्यान्न हस्तान्तरण गरेको हो । केक काटेर, भब्य कार्यक्रम गरेर बार्षिकोत्सब मनाउनु भन्दा सामाजिक काम सहयोग गर्नु महान हुने भन्दै सहयोग गरिएको राष्ट्रिय लोक तथा दोहोरी गित प्रतिष्ठान नेपाल पर्वतका अध्यक्ष दिपक गदालले बताए । अहिलेसम्म पाठशालालाई यस्तै संघसस्थाहरु, पाठशाला संचालक समिती, नगरपालिका ले सहयोग गर्दै आइरहेको उक्त पाठशालाका प्रधानाध्यापक पद्मनारायण रेग्मीले बताए ।
अहिले पाठशालामा १५ जना बटुक बिद्यार्थी अध्ययनरत छन । राष्ट्रिय लाेक तथा दोहोरी गित प्रतिष्ठान नेपाल पर्वतका अध्यक्ष दिपक गदालको सभापतित्वमा सम्पन्न सहयोग हस्तान्तरण कार्यक्रमको स्वागत प्रतिष्ठान पर्वतकी काेषाध्यक्ष ज्ञानु शर्मा र कार्यक्रमको संचालन प्रतिष्ठान का गण्डकी प्रदेश उपाध्यक्ष आरसी पौडेलले गरेका थिए ।
