रामचन्द्र भुसाल
पर्वत : पर्वतको फलेवास नगरपालिका– ५ खनिगाउमा सिसि क्यामेरा जडान गरिएको छ ।
सुरक्षा ब्यवस्थालाई थप बलियो बनाउन प्रहरी चौकी खानिगाउका प्रहरी हवल्दार विर्ख बहादुर रोकायाको सक्रियतामा खानिगाउँका विभिन्न स्थानमा आठ वटा क्यामेराहरु जडान गरिएको हो । केही समय पहिले खानिगाउँ वडा कार्यालयको सहयोगमा तीन वटा क्यामेरा जडान गरिएकोमा हाल वडाका जनप्रतिनिधि, सरकारी तथा गैरसरकारी संघसंस्था, आमा समुह, युवा क्लब, स्थानीय ब्यवसायी र अस्थायी प्रहरी पोस्ट खानिगाउँको सहकर्यमा थप पाँच वटा क्यामेरा जडान गरिएको प्रहरी हवल्दार रोकायले जानकारी दिनुभयो । खानिगाउँको शान्ति सुरक्षालाई थप ब्यवस्थित बनाउन अझै पनि आवश्यक ठाउँहरुमा क्यामेरा जडान कार्यलाई निरन्तरता दिने उहाँको भनाइ छ ।
क्यामेरा जडान कार्यले आफ्नो सुरक्षा गस्तीलाई समेत सहयोग पुर्याउने भन्दै हवल्दार रोकायले पवित्र कर्ममा सहयोग पुर्याउने सबैलाई धन्यवाद ज्ञापन गर्नुभयो । खानिगाउ प्रहरी चौकिले समुदायमा हितको निम्ति समुदाय प्रहरी साझेदारी कार्यक्रम मार्फत विभिन्न सचेतनामुलक कार्यक्रमहरु समेत गर्दै आएको छ ।
