पोखरा
चलचित्र महोत्सव ‘पामे अन्तर्राष्ट्रिय चलचित्र महोत्सव’ को पाँचौ संस्करणमा कुल ९४ वटा ठूला साना चलचित्र प्रदर्शन भए । महोत्सवको अन्तिम दिन अष्ट्रेलियाबाट निर्माण गरिएको ‘द नोटिफिकेसन’ पनि पोखरेली दर्शकमाझ देखाइयो । हरर फिल्म भएकोले पनि उक्त फिल्मलाई पोखेरली दर्शकले निकै रुचाए । पोखराको तुङ्गा रेस्टुरेन्ट, न्युरोडमा देखाइएको उक्त फिल्मले मातृभूमि र आफ्नो देश प्रतिको मायालाई झल्काइएको छ ।
एउटा चेली उच्च शिक्षाको लागि विदेश जानु, एकान्तपनले मृत्यु निम्त्याउनु । मृतक आत्माले आफ्नै देशमा संस्कार गरि पाउँ भनी कुनै व्यक्तिलाई सपनामा म्यासेज पठाउनु । यी सबै दृश्यलाई चलचित्र भित्र निकै गजव तरिकाले प्रस्तुत गरिएको छ ।
झन्डै २५ मिनेट लामो उक्त फिल्मले विदेश पढ्न जाने विद्यार्थीलाई सन्देश दिन खोजेको छ । मनोज अधिकारीको गरेको उक्त फिल्मलाई सुरुची थापा, कुशी शर्मा पौडेल, प्रिति घिििमरे र शौरभ केसीको अभिनय देख्न सकिन्छ । चलचित्रलाई ग्रिन हिल इन्टरटेनमेन्ट माइला आमा प्रोडक्सनले निर्माण गरेको हो ।
पुस १२ गतेदेखि १६ गतेसम्म पोखरामा चलेको चलचित्र महोेत्सवमा विश्वभरबाट आएका लामा चलचित्र, छोटा चलचित्र एवं वृत्तचित्र गरी ९४ वटा दृश्यचित्रको सहभगिता रहेका थिए ।
दर्शकको रोजाइमा परेको ‘द नोटिफिकेसन’
पुस १७, २०७८
