मङ्सिर ८, २०७८
पर्वत : जिल्ला प्रहरी कार्यालय पर्वतले बाल यौन दुरुपयोगको अभियोगमा एक युवालाई पक्राउ गरेको छ ।
पक्राउ पर्नेमा जलजला गाउँपालिका–४ का २८ वर्षीय विष्णु आचार्य रहेका छन् । जिल्ला प्रहरी कार्यालय पर्वतका सूचना अधिकारी प्रहरी निरीक्षक राजेन्द्र अधिकारीका अनुसार आचार्यले गत मङ्सिर ६ गते एक १३ वर्षिया बालिकालाई एकान्त ठाउँमा लगेर अश्लील भिडियो देखाउँदै यौन दुर्व्यवहार गरेको आरोप लागेको छ ।
घट्नाको बारेमा पीडित बालिकाका बुबाले जिल्ला प्रहरी कार्यालयमा जाहेरी दरखास्त दिएपछि आचार्यलाई सोही दिन मङ्सिर ६ मा नै पक्राउ गरेको प्रहरीले बताएको छ । उनी उपर मङ्गलवार बाल यौन दुरुपयोग सम्बन्धी मुद्दा शीर्षकमा मुद्दा दर्ता गरी पर्वत जिल्ला अदालतबाट पाँच दिनको म्याद थपेर अनुसन्धान भइरहेको छ ।
अश्लील भिडियो देखाउँदै बाल यौन दुरुपयोगको अभियोगमा एक जना पक्राउ
