लक्ष्मण बिसि
पर्वत २४ माघ २०७८ बाग्लुङको जैमिनी नगरपालिका वडा नं.३ नौला दमेक गाजाको दह स्थित रुद्र बहादुर छन्त्यालको गोठमा आगलागी भएको छ ।
आइतबार राती भएको आगामीमा परेर बस्तुभाउको मृत्यु भएपनि मानवीय क्षति भने नभएको वडा सदस्य भैर बहादुर छन्त्यालले जानकारी दिनुभएको छ । आगलागी परेर १ बाख्रा र ६ वटा कुखुरा जलेका छन भने एउटा पाडो सख्त घाइते भएको उहाँले बताउनुभयो । गोठमा रहेका २ वटा भैंसीलाई भने बचाउन सफल भएको उहाँको भनाइ छ । आगलागीमा परेर नल पराल र घासपात नस्ट भएको छन्त्यालले बताउनुभयो ।
हिउँ परेका बेला बस्तुभाउलाई न्यानो बनाउन गोठमा आगो बाल्दा आगलागी भएको बताइएको छ । जैमिनी नगरपालिकालाई घटनाको बारेमा जानकारी गराएको र आगलागी पीडितलाई सहयोगको पहल गरिएको वडा सदस्य छन्त्यालले जानकारी दिनुभयो ।
