पर्वत : पञ्चकोशी आर्थरडाडाँखर्क समाज कतारको सहयोगमा प्रसिद्ध पर्यटकीय तथा धार्मिक स्थल पञ्चासेमा ट्रष्ट हल निर्माण गरिएको छ ।
पञ्चासे घुम्न आउने पर्यटक तथा तीर्थयात्रीलाई सुबिधा पु¥याउने उद्देश्यले समाजको सहयोगमा पञ्चासेको बुद्धबिहार नजिक ट्रष्ट हल निर्माण गरिएको हो ।
समाजले प्रवाशमा रोजगारीका लागि पुगेका पर्वतको कुस्मा नगरपालिका वडा नं १४ आर्थर डाडाँखर्कबासी र शुभेच्छुकहरुबाट सहयोग संकलन गरेर हल निर्माण गरेको समाजका अध्यक्ष अञ्जीब गुरुङले जानकारी दिनुभयो । हल निर्माणका लागि समाजको २ लाख रुपैया खर्च भएको छ ।
यसैगरी समाजले पञ्चासे स्थित राधाकृष्ण सुद्दामा मन्दिरमा ५० हजार बराबरका फलामका कुर्सी पनि सहयोग गरेको छ । समाजले तीर्थयात्री र भक्तजनको सुबिधाका लागि ५ थान कुर्सी सहयोग गरेको हो । समाजले यस अघि पनि बिरामीको उपचार, बिद्यालयहरुमा शैक्षिक सामाग्रीका लागि पनि सहयोग जुटाउँदै आएको छ ।
कतार समाजको सहयोगमा पञ्चासेमा ट्रष्ट निर्माण
