पर्वतको कुश्मा नगरपालिका–१ पाङमा पनि महिला दिदीबहिनीहरूको महान् पर्व हरितालिका तीजको अवसरमा पाङ युवा क्लबको आयोजनामा आगामी भाद्र १० गते खुल्ला तीज गीत प्रतियोगिता आयोजना हुने भएको छ ।
लाखे लगाउने डाँडा (पार्वती चौर)मा हुने उक्त कार्यक्रममा स्थानीय तथा राष्ट्रिय कलाकारका प्रस्तुति रहनेछ भने लाखे नाचको विशेष प्रस्तुति पनि प्रस्तुत गरिनेछ । प्रतियोगितामा प्रथम हुने समूहलाई १५ हजार, द्वितीयलाई १० हजार, तृतीयलाई पाँच हजार, सान्त्वना पुरस्कारको रूपमा तीन हजार र उत्कृष्ट नृत्यका लागि दुई हजार रुपैयाँ सहित प्रमाणपत्र प्रदान गरिने छ । प्रतियोगितामा सहभागिताका लागि एक हजार रुपैयाँ दर्ता शुल्क तोकिएको क्लबले जनाएको छ ।
दर्ता भदौ ६ गतेसम्म खुला रहनेछ । क्लबले कार्यक्रमलाई भव्य र सभ्य बनाउन सबै तह तथा तप्काबाट सुझाव, सल्लाह र सहयोगको अपेक्षा गरेको छ । उक्त प्रतियोगितामा राष्ट्रिय तथा स्थानीय कलाकाहरुका सांगितिक प्रस्तुतीहरु समेत रहने क्लबका अध्यक्ष जयराम सुवेदीले बताए ।
