बेनी : म्याग्दीको धवलागिरी गाउँपालिका-३ फलीयागाउँका एक व्यक्तिले दाउरा प्रहार गरेर बुहारीको हत्या गरेका छन्।
५३ वर्षीय इन्द्रबहादुर भण्डारीले दाउरा प्रहार गर्दा उनकी बुहारी २८ वर्षीया अनिता रानाको मृत्यु भएको जिल्ला प्रहरी कार्यालयले जनाएको छ।
सामान्य विवाद हुँदा इन्द्रबहादुरले प्रहार गरेको दाउराले लागेर घाइते भएकी अनितालाई बेनी अस्पतालमा ल्याउँदा चिकित्सकले मृत घोषणा गरेका प्रहरी निरीक्षक राजन ढकालले बताए।
‘इन्द्रबहादुरलाई नियन्त्रणमा लिएर अनुसन्धान र कारबाही प्रक्रिया अघि बढाइएको छ,’ उनले भने ‘अनिताको शव परीक्षणका लागि बेनी अस्पतालको शवगृहमा राखिएको छ।’
बिहान १०:५० को समयमा ससुरा बुहारीबीच बिवाद हुँदा इन्द्रबहादुरले दाउरा प्रहार गरेका थिए। अपराह्न बेनी अस्पताल ल्याइएको थियो।
SOURCE : ANNAPURNAPOAST
