पर्वत : लायन्स इन्टरनेशनल–३२५ आई अन्तर्गत पर्वतका चार क्लबहरुको वर्ष २०२४÷२५ को संयुक्त पदस्थापन कार्यक्रम सम्पन्न भएको छ ।
दुई चरणमा सम्पन्न कार्यक्रममा क्रमशः लायन्स क्लब अफ पर्वत गुप्तेश्वरका निवर्तमान अध्यक्ष डासिराम अधिकारी र लायन्स क्लब अफ पर्वत सारथीको वर्ष २०२४/२५ को अध्यक्ष लिला दवाडी को अध्यक्षता र डिस्ट्रिक गभर्नर लायन बिनोद ढुङ्गानाको प्रमुख आतिथ्यतामा सम्पन्न कार्यक्रममा पर्वतमा क्रियाशिल लायन्स क्लब अफ पर्वत गुप्तेश्वर, पर्वत भमेकोट, पर्वत गप्तेश्वर मोदी र पर्वत सारथीका सम्पूर्ण क्लब पदाधिकारीहरुको पदस्थापन गरिएको हो । कार्यक्रममा गभर्नरद्वारा विभिन्न क्लबमा आबद्द भएका नयाँ सदस्यहरुलाई स्वागत गर्नुका साथै स्कुलिङ पनि गरिएको छ । हरेक क्लब अध्यक्षहरुले आगामी योजना तथा प्रतिबद्दता प्रस्तुत गर्नुभएको कार्यक्रमको संचालन देवेन्द्र पौडेल र शान्ती श्रेष्ठले गर्नुभएके थियो ।
कार्यक्रममा पूर्व गभर्नर राम बसेल र लायन बद्रिका ढुङ्गानाले शुभकामना तथा डिस्ट्रिक कोर्डिनेटर अर्जुन पौडेल निर्जनले धन्यवाद मन्तव्य राख्नुभएको थियो । उहाँले वर्ष २०२४÷२५ को ’मानवता पहिलो प्राथमिकता’ भन्ने डिस्ट्रिक गभर्नरले अघि सार्नुभएको नारालाई साकार पार्न तथा आपत–विपदमा राहत तथा उद्दारमा डिस्ट्रिक ३२५ आई क्रियाशिल रहेको बताउनुभयो । कार्यक्रममा नमूना अङ्ग्रेजी आवासीय माध्यमिक विद्यालयका विधार्थीहरुले सांस्कृतिक प्रस्तुतीहरु समेत राख्नुभएको थियो ।
३२५ आई अन्तर्गतका लायन्स क्लबहरुको पदस्थापन कार्यक्रम सम्पन्न
