पर्वत : पर्वत कुश्मा नारी समूहको प्रथम वार्षिकोत्सवको अवसर पारेर सम्मान सहितको उत्सव आयोजना भएको छ ।
उत्सवको अवसरमा केक काट्दै ज्येष्ठ नागरिक तथा समूहका सचिव बादल कुमारी शर्माका ससुरा बुवा हरि प्रसाद शर्मा लाई सम्मान गरिएको छ । सोही अवसरमा सदरमुकाम कुश्मा बजारमा रहेको नारायण माध्यमिक विद्यालयका चार जना विद्यार्थीहरूलाई पोसाक वितरण गरिएको छ । उनीहरू गायत्री परियार, श्रिसा तिवारी, शिवम नेपाली र अनुष्का परियार रहेका छन् ।
उक्त कार्यक्रम ज्येष्ठ नागरिक तथा समाजसेवी हरि प्रसाद शर्माको प्रमुख आतिथ्यमा सम्पन्न भएको थियो । कुश्मा नगरपालिका–५ का पूर्व वडाध्यक्ष तथा समूहका संरक्षक चित्रकला शर्मा भारती र नारायण माध्यमिक विद्यालयको शिक्षक अभिभावक सङ्घका अध्यक्ष दीपक अधिकारी लगायतले कार्यक्रममा शुभकामना मन्तव्य राख्नुभएको थियो ।
कार्यक्रमको अध्यक्षता अनिता सापकोटाले गर्नुभएको थियो भने स्वागत मन्तव्य विनीता अधिकारीले र धन्यवाद मन्तव्य उपाध्यक्ष अमिृता गिरीले राख्नुभएको थियो । उक्त कार्यक्रमको सञ्चालन संस्थाका सचिव बादल कुमारी आचार्यले गर्नुभएको थियो ।
नारी समूहको वार्षिकोत्सवमा नारायण मा.वि.का विद्यार्थीलाई पोसाक सहयोग
